به گزارش قدس آنلاین، «ایگور لیاکین فرولوف»، سفیر روسیه در شهر دوشنبه پایتخت تاجیکستان گفت: پناهجویان بیشتری ممکن است از افغانستان به تاجیکستان بیایند.

وی گفت: سرویس‌های امنیتی ویژه تاجیکستان و روسیه برای شناسایی شبه نظامیان در میان پناهجویان تلاش می‌کنند.

لیاکین فرولوف ابراز کرد: «در صورت وخامت بیشتر وضعیت در افغانستان، که در حال حاضر با یک بحران عمیق اجتماعی- اقتصادی مواجه است، ممکن است موج جدیدی از پناهجویان به تاجیکستان بیاید. مقامات تاجیکستان به همراه شرکای بین المللی به رهبری دفتر کمیساریای عالی سازمان ملل متحد در امور پناهندگان، در حال توسعه طرح‌های واکنش مناسب هستند.»

این دیپلمات ادامه داد: بر اساس چشم انداز آنها، در صورت بدتر شدن وضعیت در افغانستان، ممکن است ۱۱ تا ۱۲ هزار نفر دیگر از مردم این کشور تا پایان سال ۲۰۲۲ به تاجیکستان فرار کنند.

سفیر روسیه در تاجیکستان بیان کرد: «ما امیدواریم دوشنبه بتواند از هجوم گسترده جدید پناهجویان جلوگیری کند که مستلزم هزینه‌های مالی جدی و کار سازمانی زیادی برای پذیرش، بررسی و اسکان آنها است. علاوه بر این، همیشه این خطر وجود دارد که شبه‌نظامیان و رادیکال‌های بالقوه به پناهندگان صلح‌جو نفوذ کنند.»

وی گفت: «البته رهبری تاجیکستان این را به خوبی درک می‌کند، بنابراین مقامات ذی‌صلاح تاجیکستان در حال انجام کارهای اطلاعاتی منظم در این زمینه از جمله با همکاری ادارات مربوطه روسیه هستند.»

پس از آن‌که جو بایدن، رئیس جمهور آمریکا پایان عملیات نظامی واشنگتن در افغانستان را اعلام کرد؛ طالبان بدون مواجهه با هیچ مقاومتی کابل را تصرف کردند.

به گفته وزارت کشور تاجیکستان، این کشور در ۱۵ سال گذشته بیش از ۳۰۰۰ خانواده پناهجوی افغان را ثبت کرده است که تعداد آنها در مجموع ۱۵۰۰۰ نفر است. تاجیکستان با ۱۳۴۴ کیلومتر طولانی‌ترین مرز با افغانستان دارد.

منبع: مهر